Domingo Mantilla González

Factor de ferrocarril de 33 anos, que aparece en Nomes e Voces como natural de Ribadavia. Morreu de encefalite tífica na prisión.

No libro Longa noite de pedra no Mosteiro de San Salvador. Represión e reclusión en Celanova (1936-1943), de Domingo Rodríguez Teijeiro, figura Domingo Mantilla González como natural de Rosende, con 35 años, e de oficio factor ferroviario. Faleceu o 26 de setembro de 1939 na prisión a consecuencia de encefalite tífica.

Esta referencia foi facilitada por J. A. Cardelle.

Antonio María Mantilla González

Labrego de 20 anos, foi xulgado por auxilio á rebelión, estando en prisión nos cárceres de Monforte e Lugo, entre o ano 1936 e 1940.

Fonte: aquí.

Antolín Mantilla González

Home de 20 anos, consta en Nomes e Voces como veciño de Monforte condenado a 15 anos de prisión por “auxilio á rebelión”.

Non obstante, cos datos que atopou José Antonio Cardelle, podemos identificar a Antolín coma un dos irmáns Mantilla González perseguidos polo Franquismo, todos da parroquia de Rosende.

“De 20 años, soltero, labrador, hijo de José y Ramona, natural y vecino de Rosende (Sober). Según el Libro Registro de Expedientes de Responsabilidades Políticas del Juzgado de Monforte de Lemos, se le incoó la pieza separada de responsabilidad número 6/42 el 10 de noviembre de 1942; figuraba con el número 727 del Juzgado Especial de lo Civil de Coruña. No constan más datos.”

Víctor Fernández Vázquez

Labrego de Vilaescura xulgado por auxilio á rebelión e condenado a 15 anos de prisión.

Fonte: Nomes e Voces.

José Fernández Fernández, preso

Labrego de 42 anos xulgado por auxilio á rebelión condenado a 15 anos de cadea.

– Nomes e Voces.

José Fernández Carballo, preso

Rapaz de 18 anos condenado por auxilio á rebelión a 12 anos de cadea.

Natural de Proendos, estivo ingresado no cárcere de Vitoria.

Fonte: Nomes e Voces e datos aportados por J. A. Cardelle.

José Díaz Piñeiro, preso

Xornaleiro de Sistín do Mato (Canabal) condenado a cadea perpetua por rebelión.

– Ficha en Nomes e Voces: aquí.

Tomás Conde Pazos, preso

Rapaz de Proendos de 19 anos condenado a cadea perpetua por rebelión.

Fonte:

– Nomes e Voces.

Daniel Canel González, morto enfermo na cadea no Fuerte de San Cristóbal

Xornaleiro de (posibelmente) Lobios.

Condenado a cadea perpetua por rebelión miliar. Ingresou con 30 anos, solteiro, no Fuerte de San Cristóbal.

Entre xullo e decembro de 1936 estivo no cárcere de Lugo.

Fora condenado en Consello de Guerra en Lugo a 30 anos de reclusión en data que non consta pero que, segundo di J. A. Cardelle, debeu ser o 14 de setembro de 1936, ao coincidir a data de ingreso en San Cristóbal (31 de decembro de 1936) e a de cumprimento de condena (12 de xullo de 1966) con Juan Armesto Álvarez, de Doade, que deberon ser xulgados no mesmo Consello de Guerra.

Morreu enfermo na cadea o 13 ou 14 de setembro de 1940 no Fuerte de San Cristóbal, por colapso cardíaco.

Está enterrado en Berrioplano, Navarra.

Esta información foi aportada por J. A. Cardelle.

Castor Bouza Vázquez, preso

Labrego de 26 anos do lugar do Castro (Liñarán), condenado a cadea perpetua por rebelión.

Fonte:

– Nomes e Voces.