Graciano Martínez Romero, suceso violento en 1931

José Antonio Cardelle facilítanos a seguinte información sobre este concelleiro da corporación de 1936, expedientado sen sanción, que reproducimos integramente pola súa precisión.​

Graciano Martínez Romero foi condenado durante a República por posesión de armas e por disparo e lesións.

Aquí coñecemos o seu historial e o suceso violento acontecido en Lobios en 1931.

Continue reading

Antonio Pérez García “Rei”, alcalde en 1936

foto alcaldeAntonio Pérez García foi alcalde republicano de Sober coa corporación municipal de 1936.

Natural de Canaval, realizou estudos musicais no Conservatorio Nacional de Madrid, onde aprobou a carreira de piano en só dous exames, obtendo Premio Especial. Dirixiu varias bandas e orquestras das provincias de Ourense e Lugo, entre elas a Banda de Música de Sober nos anos 30, unificada por esas datas (antes había unha en Canabal e outra Sober).

Foi xulgado en 1936, con 35 anos, e declarado en rebeldía, pois conseguiu fuxir e exiliarse a Cuba. Contan testemuños orais que o fixo disfrazado de cura.

Figura como de profesión “labrego”, pero tamén posuía a fábrica de cerámica de Canabal e era músico. Era do Partido Republicano Gallego. Tamén era Presidente do Comité Republicano-Agrario de Canabal.

En Cuba é coñecido como Antonio Rodríguez Álvarez e alí chegou a ser un destacado pianista e compositor, estando algunha das súas obras entre as máis radiadas do país. Na illa caribeña dirixiu a orquestra Lemos e axiña acadou gran popularidade como compositor, recibindo o 16 de xullo de 1938 unha homenaxe por parte da sociedade El Valle de Lemos nos salóns da Agrupación Artística Gallega.
“O Rei” de Canaval publicou máis de trinta obras para canto e piano, como Brisas de Andalucía ou Hermoso Cielo Cubano, das máis interpretadas e radiadas na Cuba dos anos trinta. En 1939 publicou o cancioneiro Ecos españoles.

A foto do inicio está tirada da revista Cultura Gallega, editada na Habana, no número de xuño de 1938, onde se refire unha homenaxe a Antonio Rodríguez Álvarez.

Na foto seguinte, da Banda de Sober, está Antonio “o Rei” no centro, de negro.

7A foto é probabelmente dun certame de bandas en Ourense, do que se dá conta no seguinte recorte de prensa, do 8 de xuño de 1936.

banda de soberA foto seguinte é unha partitura dunha composición de Antonio “o Rei”, cortesía de Ramón Pinheiro. E así soa, grazas ao proxecto “Descarga ao Vivo”: aquí.

12a

Juan Antonio Fernández del Campo, mestre

Sober 1.933Juan Antonio Fernández del Campo, mestre, era directivo da UGT. Foi expedientado. [Fonte: SOUTO BLANCO, MARÍA JESÚS; La represión franquista en la provincia de Lugo.]

A foto é dunha homenaxe tributada a este mestre en Sober, o 8 de xaneiro de 1933, segundo se pode ler na foto escrito a man.

A noticia da homenaxe sae na edición local de La Voz de Galicia, o 1 de xaneiro de 1933, anunciando “un banquete al popular maestro nacional de la aldea de Volmente (sic)” … “por su acendrado republicanismo y por sus gestiones en pro del progreso del pueblo de Sober”, homenaxe tributada por parte da “conjunción republicano-socialista del distrito de Sober”.

Foto da homenaxe: do arquivo familiar de Branca Neves Fernández.